::Maite Gonzalez Bilbao.

Athletic Club-eko fundazioak eta Caritas-ek antolatutako enkante solidarioan 12.286,88 euro biltzea lortu da. San Mames “zaharrean” jokatutako azkeneko partidan jokalariek erabilitako elastikoak enkantean jarri ziren, eta eskaintzarik handiena Julen Guerreroren elastikoagatik izan da; 3.750 euro lortu dira elastiko horren truke.

Nola ez! Ni ez nau batere harritzen. Guerreroren harremana Athletic-ekin eta zaleekin hautsiezina da, lotura oso berezia da. Motibo askorengatik beti egongo da zaleen bihotzetan, jokalari euskalduna, bizkaitarra, zintzoa, 90eko hamarkadako erreferenteetako bat, benetan eta bihotz-bihotzez Athletic maite zuena, armarria eta kolore zuri-gorriak sentitzen zituena. Gauza hauengatik Athleticzaleen bihotzetan geratu da, eta horregatik zifra hain handia lortu du enkantean.

Ziur nago beste elastiko batek ere Guerrerorena bezalako zifra lortzeko aukera izango zuela, Iribar-en elastikoaz hitz egiten ari naiz, baina hau eta Carlos Gurpegirena Athletic-en museoaren bildumarako gorde dira.

Oso harro nago nire klubak mota honetako ekimen solidarioak antolatzeaz, besteei laguntzea ezinbestekoa da bizitzen ari garen egoera latzak direla eta. Eta kontuan izanda futbol munduak mugitzen dituen diru kantitateak oso positiboa da gure klubak  solidaritatea bezalako sentimenduak transmititzea.

Hauexek izan dira enkantean jarritako elastikoak eta bakoitzak lortutako kopurua:

Guerrero: 3.750 euro

Dani: 900 euro

Lorente: 810 euro

Iraizoz: 710 euroAndrinua: 465 euro

Aduriz: 455 euro

Guerreroren kamiseta

Ibai: 410 euroToquero: 380 euro

Susaeta: 355,50 euro

De Marcos: 355 euro

Ruiz de Galarreta: 355 euro

Ander Herrera: 320 euro

Iraola: 310 euro

Laporte: 260 euro

Orbaiz: 256 euro

Igor Martínez: 243, 50 euro

Aurtenetxe: 242,50 euro

Ekiza: 227,50 euro

San José: 227,50 euro

Iturraspe: 227,50 euro

Ramalho: 217,50 euro

Raúl: 213,26 euro

Amorebieta: 211,11 euro

Iñigo Pérez: 207,51 euro

Castillo: 177,50 euro