::Maite Gonzalez Bilbao.

Xabier Etxeita-rentzat Athletic-era bueltatzea amets bat zen. 2010. urtean Athletic-etik irten zen, eta uda honetan bueltatzeko aukera izan du Elx futbol taldean hiru denboraldi bikain burutu eta gero. Gainera, pasa den denboraldian Elxeko taldearekin lehenengo mailara igotzea lortu zuen, bera taldeko liderretako bat izanik.

Baina Etxeitak gaur egun bizitzen ari den egoera amesgaiztoa bilakatzen ari da. Ligan ez du minutu bat ere ez jokatu, jokalari bakarra da oraindik txapelketan estreinatu ez dena. Bost deialditan soilik sartu da momentu arte.

Etxeita Lezaman

Ez dut uste jokalariak erraz asimilatuko duenik egoera zail hau, Elx-en titular eztabaidaezina izatetik aulkira baztertuta egotera Athletic-en. Pena itzela ematen dit 26 urteko jokalari baten progresioa horrela mozteak.

Athletic-en dagoen egoera ikusita Etxeitak oso zail dauka taldean aukera bat izateko. Bosgarren zentrala da momentu honetan. Gurpegi, Laporte, San Jose, Albizua eta Ekiza taldekideak ditu aurretik. Horregatik, oso logikoa da jokalariaren irteera neguko – merkatuan. Ziur asko bigarren mailako talde batera joan beharko da, Murtziak jokalaria lagatuta joateko eskatu duela esan dute komunikabideak. Jokatzeko balio badio, ongi etorria izango da!!