::Maite Gonzalez Bilbao.

Athletic-ek Osasuna ahul bat gainditu zuen atzo Iruñean.  Zurigorriek  partida menderatu zuten hasieratik, hirugarren minuturako jada lehenengo gola sartu genuen, Susaetak areatik kanpo sartutako gol ikaragarria. Ia-ia eserlekuan jesartzeko astirik izan gabe Athletic irabazten zegoen Sadar futbol zelaian. Baina momentu zoriontsu horiek gutxi iraun zuten, minutu batzuk geroago Osasunak faltaz gol bat sartu zuen eta. Baina meritua ez zen guztiz jokalari nafarrarena izan, Iraizoz-ek hutsegite itzela egin zuen, baloia berak defendatu behar zuen zutoinetik sartu baitzen.

Hesia txarto kokaturik zegoen.

Azkar erreakzionatu zuten gure lehoiek eta Aduriz-en gol bati esker partidari buelta eman zioten. Bigarren zatian Athletic jaun eta jabe izan zen eta aurkaria errematatu zuen hiru gol gehiago sartuz. Egia esanda Osasunak ez zuen erresistentzia handirik jarri, berdegunean ez zen espero nuen taldea egertu. Talde indartsuagoa, borrokalariagoa espero nuen, eta ez atzokoa, zelaian galduta zegoen talde bat zen.

Bigarren gola. Rafa Rivasen argazkia.

Athletic-ek  Ligan daukan bolada onari segida eman zion atzo, 15 gol sartu ditu azkeneko hiru partidetan, ikaragarria benetan! Talde honek gol-a daukala erakutsi du.  Gainera, garaipen horri esker Champions postuetan pixka bat gehiago sendotzen da. Bost puntutan handitu egin da Vila-real-ekin geneukan diferentzia.

Baina partidak puntu negatibo bat izan zuen. Eta oraingoan belarriondokoa Osasuna-ko zuzendaritzarentzat da. Normalean, giro ederra egoten da partida hauetan, baina atzo hutsune asko ikusi ziren Sadar futbol zelaian. Bilbotik zale gutxi joan ziren Iruñeara, eta normala … Horren azalpena sarreren prezio altua izan zen. Sarrerak merkeagoak jarriz gero, zelaia atzokoan zein partida guztietan beteta egongo zen. Eta hau ez da Osasunari bakarrik egindako kritika bat, baizik eta lehenengo mailako talde askori egindakoa. Pena itzela da lehenengo mailan futbol zelaiak erdi hutsik ikustea.

Zale gutxi atzoko partidan.

Atzokoa Atletico Madril-entzat abisu bat izan zen. Asteazkeneko “borrokarako” prest gaude!!