::Maite Gonzalez Bilbao.

Gero eta gutxiago geratzen da arkua ikusteari uzteko. Katedralaren ikurretako bat izan da beti, baina zelai berrian ez dauka tokirik. Eta oraindik ez dakigu zein izango den arku horren etorkizuna. Hiru zatitan banatuko omen dute desmuntatzerako orduan errazago izateko, eta gero leku “ezkutatu” batean gordeko dute. Benetan, nik “leku sekretuarena” ez dut ulertzen, horrelako sekretismoa!

Pieza enblematiko hau mantentzearen aldeko mugimenduak egon dira, 25.000 sinadura baino gehiago batu dira eraispenetik salbatzeko.

Momentu bitxiak ere eman dizkigu obra arkitektoniko honek. Nork ez du entzun San Mames-eko arkura igo zen gizonaren istorioa? Athletic eta Realaren arteko derbya zen, dirudienez partida aspergarria, baina zaleak partida jarraitzen egon beharrean arkura begira zeuden. Nahiz eta eguraldi kaskarra egin, gabardinadun gizon hura arkura igo zen. Handik agian ez zen partida hain aspergarri ikusten …

Arkua hiriaren fisionomian integratuta dago, eta arraroa izango da ez ikustea. Nahiz eta zelai berrian lekurik ez izan, Bilboko beste leku baten ikustea gustatuko litzaidake. Bilboko udalak zubi batean jartzeko proposamena egin zuen, eta egia esan, oso ideia ona dela uste dut. Arkua bai edo bai Bilbon geratu behar da!!

Eta zuei non gustatuko litzaizueke arkua ikustea?

San Mameseko arkua