::Maite Gonzalez Bilbao.

Dagoeneko 2013-2014 denboraldiari begira hasiak gara. Aurten ere euskal taldeek protagonismo handia izango dute bai lehenengo, bigarren eta 2. B mailan, euskal taldeen bolada ona ziurtatuz

Erronkarik zailena, eta aldi berean erakargarriena, Realak dauka. 10 urte pasa ondoren berriro ere Champions-a jokatuko du, eta egia esan, sekulako inbidia ematen dit. Behin baino gehiagotan egin dut amets San Mames-en Champions League-ko himnoa entzutearekin. Espero dut Anoetan Europako “gau magikoez” gozatzea, guk orain dela urte bete pasata Katedralean egin genuen bezala.

Realaz gain, Eibar eta Alaves-ek ere desafio handia daukate datorren denboraldian. Lau urte bigarren B mailan igaro eta gero, gipuzkoarrak eta arabarrak zilarrezko futbolera bueltatuko dira, zorterik onena biei!

Gainera 2.B mailan euskal taldeen ordezkaritza ikaragarria daukagu, zazpi talde hain zuzen. Batzuk umilak eta beste batzuk talde handien filialak dira, baina denek ilusio bera daukate: S.D Amorebieta, C.D Laudio, Sestao River, Barakaldo C.F, Bilbao Athletic, Real Sociedad B eta Real Union izango dira.

Honek argi eta garbi erakusten du harrobietatik hasita lehenengo taldeetara heldu arte klubak oso lan ona egiten ari direla. Athletic-eko etorkizunari begira, funtsezkoa da talde “txikien” egoera ona izatea, hor baitaude gure taldearen etorkizuneko jokalariak.

Eibartarrak igoera ospatzen